Northern Wave Film Festival

Átt þú góða uppskrift?

northernwave — Tue, 21 Feb 2012 11:44:52 +0000

Hin vinsæla Fiskiveisla hátíðarinnar, sem haldin er laugardaginn 3.mars næstkomandi, verður með nýju sniði í ár. Nú verður bæði keppt í fiskisúpum og fiskiréttum. Ef þú átt t.d. bestu plokkfisk uppskrift í heimi eða kannt að gera gómsæta fiskisúpu eða langar bara að prófa eitthvað nýtt, þá er um að gera að skrá sig.
Í verðlaun er veglegt gjafabréf sem gildir bæði á Fiskmarkað og Grillmarkað Hrefnu Sætran.
Skráðu þig eða hópinn þinn á info@northernwavefestival.com á facebook síðu Northern Wave eða í síma 7700577.
Við útvegum þér fiskmetið.

ATH! Dagskrá hátíðarinnar er komin á vefinn undir “Hátíðin”.
Frítt er inn á allar sýningar og viðburði hátíðarinnar.

Plakatið er tilbúið!!

northernwave — Mon, 06 Feb 2012 21:16:38 +0000

Glæsileg hátíð framundan og nóg um að vera.
Fyrir þá sem vilja skrá sig í Stuttmyndamaraþon Kinosmiðjunnar, sendið tölvupóst á info@kinosmidja.is
Fyrir þá sem vilja keppa í Fiskiréttakeppninni í ár hafið samband á info@northernwavefestival.com. Sigurliðið fær gjafabréf á Grillmarkaðinn í verðlaun.

Plakatið og allt útlit hátíðarinnar er hannað af Vanessu Simon.

Kinosmiðja blæs til Super-8 kvikmyndamaraþons

northernwave — Mon, 30 Jan 2012 23:05:57 +0000

Kinosmiðja blæs til Super-8 kvikmyndamaraþons föstudaginn 2.mars 2012 á kvikmyndahátíðinni Nothern Wave á Grundarfirði.

Maraþonið hefst með kennslu í töku og notkun á super 8 kvikmyndatökuvél föstudagsmorguninn 2.mars og verða þáttakendur síðan leiddir af stað í keppni um ákveðið viðfangsefni. Þáttakendum verður skipt í tveggja manna lið og verður hverju liði gefin ein filma og ein tökuvél til þess að vinna með. Liðin fá einn sólahring til að taka upp og vinna myndina og afhenda Kinosmiðju filmuna til framköllunar á hádegi laugardaginn 3.mars. Afraksturinn verður sýndur á hátíðinni sunnudaginn 4.mars og munu áhorfendur greiða atkvæði um vinningsmyndina og veitt verða verðlaun.

Hægt er að skrá sig til keppni með því að senda póst á info@kinosmidja.is.

Hlökkum til að sjá ykkur!