Vegna nýjustu tilkynninga um COVID19 fjöldatakmarkanir mun Alþjóðlegu stuttmyndahátíðinni Northern Wave því miður verða frestað. Mikil óvissa ríkir í heiminum í dag og þar sem okkur er umhugað um öryggi og heilsu gesta, starfsfólks og nærsamfélagsins, munum við að sjálfsögðu fylgja þeim reglum sem sóttvarnarlæknir og yfirvöld setja á. 

Hátíðin mun ekki eiga sér stað helgina 23.-25. október eins og fyrr var auglýst, en athugið að henni hefur ekki verið aflýst. Við munum tilkynna nýja dagsetningu og frekari upplýsingar um leið og við getum. 

Þá verður verkefninu Norrænar stelpur skjóta einnig frestað. Vinnustofan færist að hluta til á netið og mun ný dagsetning fyrir viðburðinn verða tilkynnt síðar.
Okkur þykir vænt um þann stuðning sem fólk hefur sýnt okkur og vonumst til að sjá ykkur á Snæfellsnesinu einhvern tímann á næstu mánuðum. Ef þið hafið einhverjar spurningar, vinsamlegast hafið samband á info@northernwavefestival.com.